Галоўнае правіла
Французская бюракратыя павольная і любіць паперы, але яна прадказальная. Амаль усё робіцца па адной схеме: сабраў досье → запісаўся або падаў анлайн → атрымаў récépissé (расписку) → чакаеш. Ніжэй — што гэта за органы і навошта яны.
Хто за што адказвае
- Préfecture / sous-préfecture — від на жыхарства (titre de séjour), яго падаўжэнне, абмен правоў. Запіс і многія працэдуры — праз партал ANEF (administration-etrangers.gouv.fr).
- OFII — валідацыя доўгатэрміновай візы (віза-ВНЖ), медагляд, інтэграцыйны кантракт. Першы крок адразу пасля прыезду па візе VLS-TS — анлайн на сайце OFII.
- CPAM (assurance maladie) — медыцынскае страхаванне sécurité sociale і Carte Vitale. Падаецца па праграме PUMA; пакуль картку робяць, выдаюць часовую attestation.
- CAF — дапамогі: жыллё (APL), сямейныя, prime d’activité. Падача анлайн, патрэбны RIB і titre de séjour.
- Centre des finances publiques — падаткі і numéro fiscal. Дэкларацыю варта падаваць, нават калі даходу няма: падатковы нумар і avis d’imposition патрэбны для многіх даведак.
- France Travail (былы Pôle emploi) — улік беспрацоўных, дапамога ў пошуку работы, моўныя курсы.
- Banque — рахунак патрэбны амаль для ўсяго. Калі банкі адмаўляюць — ёсць «droit au compte» праз Banque de France.
Titre de séjour: асноўныя катэгорыі
Для нашых часцей за ўсё актуальныя: vie privée et familiale (сям’я/прыватнае жыццё), salarié / travailleur (праца), étudiant (вучоба), passeport talent (кваліфікаваныя спецыялісты), а таксама абарона (для ўкраінцаў — асобны рэжым часовай абароны, protection temporaire / APS). Дакладны спіс дакументаў залежыць ад катэгорыі і дэпартамента.
Жыллё без французскага гаранта
Галоўны інструмент — дзяржаўная гарантыя Visale (бясплатная, афармляецца анлайн на visale.fr): дзяржава выступае паручальнікам перад арандадаўцам. Плюс граматна сабранае dossier (досье арандатара) і часам камерцыйныя гаранты (GarantMe і аналагі). Падрабязныя разборы па жыллі — на старонках гарадоў і ў чаце.
Канкрэтныя адрасы і спасылкі на запіс — на старонцы вашага горада ў раздзеле «Гарады». А жывыя лайфхакі «як злавіць слот менавіта ў Манпэлье/Ніцы/Марсэлі» — у чаце.